Во врска со изјавите од политичката партија СДСМ: „Приватните фирми во Штип на удар на УЈП, но доаѓа време на промени!“ од 05.09.2016 година, Управата за јавни приходи изразува жалење што сеуште одредени политички партии ги користат основните надлежности на даночната администрација и ја доведуваат во прашање работата на УЈП, за цели на некаква дневна политика и меѓупартиски препукувања...

Ги информираме сите обврзници дека Контакт центарот / Повикувачки центар на УЈП се наоѓа на нова локација, на приземјето на УЈП - Регионална дирекција Скопје (зграда до ЗОИЛ). Центарот за наплата на глоби и други јавни давачки на УЈП и понатаму останува во просториите во Градски трговски центар - Скопје.

Во „Службен весник на РМ“ бр.66 од 05.04.2016 година, објавени се нови правилници за формата и содржината на ПДД и ДД обрасци кои ќе се применуваат од 31.07.2016 година, и тоа: Барање за одобрение на даночно ослободување по основ на воведување на систем на опрема за регистрирање на готовински плаќања (образец ПДД-02); Барање за паушално плаќање на персонален данок на доход (образец ПДД-П); Барање за издавање на одобрение за намалување на пресметаниот данок на добивка по основ на воведување и користење фискален систем на опрема, односно фискална апаратура и интегриран автоматски систем за управување (образец ДД-07)...

Во „Службен весник на РМ“ бр.121 од 30.06.2016 година, објавени се нови правилници за формата и содржината на обрасци кои ќе се применуваат со отпочнување на примената на Законот за изменување и дополнување на Законот за даночна постапка („Службен весник на РМ“ бр.23/16), односно од 31 јули 2016 година.

Во врска со соопштението објавено од политичката партија СДСМ: „(Доказ) Ставрески се жалел од Миноски до Владата за ИПА“ од 21.07.2016 година, Управата за јавни приходи реагира на неточно презентирање и искривување на информациите за работењето на УЈП, но и жалење за елементарно непознавање на оваа политичка партија за управувањето со ИПА проектите. Имено, презентираниот документ „Информација за статусот за реализација на ИПА портфолиото на УЈП“ е наменет за информирање на Владата на РМ, а кој УЈП го подготвува и доставува секој месец почнувајќи од 2015 година, а ќе продолжи се додека не се имплементираат сите проекти. Не ни е јасно во кој дел од документот е наведено дека „...ИПА програмата не може да се реализира“, бидејќи напротив во Информацијата јасно е наведен статусот на реализација на проектите на УЈП т.е. Проектот за изведување на работи за реновирање на Контакт центарот во вредност од 235.710,88 е завршен на 20.11.2015 година, двегодишниот Твининг проект со шпанската даночна администрација во вредност од 800.000 евра е во тек и во завршна фаза на имплементација, Договорот за набавка на канцелариски мебел за новиот Контакт центар во вредност од 48.473,00 евра е склучен и испораката е отпочната на 10 јуни 2016 година...