Се известуваат сите даночни обврзници (физички / правни лица) и сметководители на подрачјето на Скопје и неговата околина дека од 1-ви Мај 2018 година услугите на УЈП - Регионална дирекција Скопје ќе бидат достапни само доколку странката претходно закажала средба преку Инфо центарот на УЈП или преку интернет.

Во Охрид, од 23 до 25 Март 2018 година, се одржува семинар на тема „Предизвици и модернизација на даночниот инспекторат“ на кој учествуваат 242 инспектори од Управата за јавни приходи, даночни експерти од УЈП, а свое излагање имаа и надворешни експерти и соработници од Јавното обвинителство, Царинската управа и Управата за финансиска полиција. Настанот го отвори Директорката на УЈП. „Реформи се неопходни, и кадровски и организациски. Заеднички треба да се избориме и да докажеме пред сите дека не сме орган на репресија, дека не сме подложни на никакви притисоци, дека согласно закон ќе ги решаваме проблемите, ќе функционираме праведно, а не селекивно, дека никој нема да го поштедиме ако затајува данок и ако не ги исполнува даночните обврски...

Услугата „Закажи средб@“ овозможува секој даночен обврзник да закаже термин за остварување на средба со даночен агент во УЈП - Регионалната дирекција Скопје, во време кое нему му одговара, а со цел консултација за специфични прашања кои се однесуваат на: 1) Oпшти информации (рокови, начини за пријавување и плаќање даноци и др.); 2) Отворање на бизнис и регистрација на даночен обврзник; 3) Консултации за издадени даночни документи; 4) Утврдување на даноци; 5) Постапки за наплата на долгови; 6) Правни прашања. Услугата „Закажи средба“ може да се користи он-лајн или преку Инфо центарот на УЈП. За да закажете средба повикувајте го Инфо центарот (0800 33 000 или 02/3253 200) или направете го тоа он-лајн преку веб страницата на Контакт центарот kontaktcentar.ujp.gov.mk, која овозможува пристап до услугата „Закажи средба“. Која е постапка за закажување на средба?...

Со измените и дополнувања во член 97-а став 2 од Законот за изменување и дополнување на Законот за персоналниот данок на доход („Службен весник на РМ”, бр.190/17) пропишано е дека обврзникот кој започнува да врши самостојна дејност месечните аконтации на персоналниот данок на доход за првата година ги плаќа на основица од 50% од просечна нето плата по работник во Република Македонија објавена во Јануари во тековната година според податоците на Државниот завод за статистика. Самостојните вршители на дејност, трговци поединци кои дејноста отпочнале да ја вршат во 2018 година, имаат обврска аконтациите на персоналниот данок на доход до крајот на годината, да ги пресметуваат и плаќаат на основица од 11.598 денари (50% од 23.196 денари), најдоцна до 15-ти во тековниот за претходниот месец...

Денес / 15 Март истекува рокот за поднесување на Годишната даночна пријава (образец ПДД-ГДП), поради што Управата за јавни приходи го продолжува работното време на даночните канцеларии со цел граѓаните да можат да ги запазат законските рокови за исполнување на нивната обврска за пријавување на приходите. Сите Регионални дирекции на УЈП (Скопје, Тетово, Штип, Битола, Струмица, Прилеп) ќе примаат пријави до 21:30 часот. Сите Даночни одделенија на УЈП (Охрид, Струга, Ресен, Кавадарци, Велес, Неготино, Куманово, Крива Паланка, Кочани, Виница, Свети Николе, Берово, Гевгелија, Радовиш, Гостивар, Кичево и Дебар) ќе примаат пријави до 18:00 часот. Сите Даночни шалтери (Демир Хисар, Македонски Брод, Крушево, Кратово, Делчево, Пробиштип и Валандово), вклучувајќи ги и дополнителните шалтери отворени во Центар (зграда на ССМ), како и општините Ѓорче Петров, Гази Баба и Аеродром, ќе примаат пријави до 18:00 часот...