Во врска со јавните објави на социјалните мрежи и случајот во кој денес / 1 март 2018 година, службено возило на УЈП беше подигнато од Пајак-служба пред зградата на Управа за јавни приходи – Генерална дирекција Скопје, Управата за јавни приходи информира дека поради несоодветно користење, управување и грижа на службено возилото, ќе се преземат соодветни мерки против вработениот во УЈП задолжен за управување со службеното возило. Истовремено, информираме дека казната за непрописно паркирање е платена лично од вработениот, a прекршокот се случува во период на отсуство на директорката од УЈП поради здравствени причини.

Со цел доближување на услугите до даночните обврзници и избегнување на метежите, покрај шалтерите лоцирани во сутеренот во Регионалната дирекција Скопје (ул. 11 Октомври број 27 / спроти Даре Џамбаз), УЈП отвори и дополнителни шалтери за поднесување на Годишна даночна пријава лоцирани:на приземјето на Дирекцијата за големи даночни обврзници (зграда на ССМ); општина Ѓорче Петров во зградата на урбаната заедница Ѓорче Петров (кај полициската станица); општина Бутел во општинската зграда; општина Гази Баба во бараката за едношалтерски систем (поранешен даночен шалтер на УЈП); и општина Аеродром, во општинската зграда на втори кат...

Како организатор на зелен пазар, имате обврска до Управата за јавни приходи до 10-ти во месецот да поднесете Извештај за корисниците на продажните места на зелените пазари – Месечен извештај за промени (образец ПДД-И/ЗП), за да ги пријавите промените на корисниците на тезги настанати во претходниот месец...

Задолжително поднесете Годишна даночна пријава (ПДД-ГДП), доколку во 2017 година сте оствариле приходи во земјата и од странство по основ на: награди, бонуси и други надоместоци од работен однос;кирии (издавање на имот - закуп или подзакуп); авторски права и права од индустриска сопственост; дивиденди, учество во добивката и камати по заеми дадени на физички и правни лица; капитални добивки од продажба на учество во капитал и недвижен имот; добивки од лотариски игри на среќа, електронски игри на среќа, наградни игри и интерактивни игри на среќа, во износ поголем од 5.000 денари (по поединечна добивка); приходи од игри на среќа преку специјализирани странски интернет страници; приходи од интернет (пр. е-трговија, услуги извршени преку специјализирани страни, поставување на реклами на сопствени интернет страни, прогнози - дојави на типови за спортски натпревари); лични примања од странство за активности поврзани со работењето во Република Македонија; работно ангажирање во амбасада, во меѓународна организација...; и други дополнителни видови на приходи, надвор од вашата редовна плата или пензија. Годишната даночна пријава (ПДД-ГДП) преземете ја преку веб страницата ujp.gov.mk и поднесете ја во даночните шалтери, преку пошта или електронски преку etax-fl.ujp.gov.mk...

Со изменување и дополнување на Законот за персоналниот данок на доход, од 1 јануари 2018 година се воведе нов начин на пресметување и плаќање на персонален данок на доход, односно граѓаните (резиденти и нерезиденти на Р.Македонија) кои остваруваат приходи од други физички лица во земјата, како и граѓаните-резиденти кои остваруваат приходи од странство, имаат обврска да поднесат Електронска пресметка за приход и данок (е-ППД) преку e-pdd.ujp.gov.mk, и тоа за: 1) Приходи од имот и имотни права (издавање на имот на друго физичко лице); 2) Капитални добивки од продажба на хартии од вредност, недвижен имот и учество во капиталот; 3) Приходи од странство; 4) Лични примања од дипломатски, односно конзуларни претставништва на странски држави, кај претставници и службеници на такви претставништва кои имаат дипломатски имунитет и за кои даночниот обврзник сам го утврдува и уплатува данокот; 5) Други приходи (приходи остварени со е-трговија преку специјализирани интернет страни, приходи од интернет маркетинг услуги, приходи остварени со продажба на корисен цврст отпад, исплатите на име специјализации, постдипломски студии и др.); 6) Приходи од продажба на сопствени земјоделски производи на физички лица надвор од продажни места на зелени пазари...