Дволични се изјавите на “А1“ дека наводно бара доследно и неселективно почитување и спроведување на законите за сите и за секого, кога целокупната јавност во изминатиот период беше сведок токму на спротивното. Од почетокот на даночната постапка, даночниот обврзник во ниту еден момент не соработуваше и ја попречуваше работата на даночните власти, што е спротивно на Законот за даночна постапка. Жал ни е што раководството на “А1“, кое е запознаено со точниот износ на даночните долгови, го доведува во заблуда уредувачкиот тим, новинарите на телевизијата и целокупната јавност, бидејќи на даночниот обврзник му се доставени сите даночни акти во кои е наведен износот на даночниот долг, за кои даноци должи, за кој период се однесува долгот ..., а на негова волја е транспарентно, јасно и јавно да ги објави, за што УЈП не се противи туку напротив претпочита да се објават. УЈП не крои судбини, туку наплаќа данок. Мерките и активностите на даночната администрација исклучиво зависат од секој даночен обврзник, односно дали плаќа данок или не. Во пазарни услови, судбината на компанијата и одговорноста од работењето ја има раководството и начинот на кој тоа раководство управува, во конкретниот случај со “А1“ ...

Управата за јавни приходи апелира обврзниците за радиодифузна такса кои не извршиле плаќање на јавната давачка во законскиот рок, истото да го сторат во најкусо време, бидејќи даночната администрација ќе отпочне со присилна наплата на нивните долгови. Потсетуваме дека плаќањето на радиодифузната такса се врши најдоцна до 15-ти во месецот за претходниот месец (пр. радиодифузната такса за месец Јуни треба да се плати до 15-ти Јули), а во случај на задоцнето плаќање надвор од законскиот рок, се пресметува камата од 0,03% и тоа за секој ден задоцнување. Со цел олеснување на плаќањето на радиодифузната такса, граѓаните и фирмите можат по сопствено изјаснување да извршат плаќање на радиодифузната такса за повеќе месеци, односно за цела календарска година или пак да вршат плаќање со траен налог за што треба да потпишат договор со носителот на платниот промет, односно банката ...

Ги информираме ДДВ обврзниците дека од утре/12.07.2011 година, при поднесување на известување за ДДВ-то содржано во залихите на добра наменети за натамошна продажба пред регистрација за целите на ДДВ, треба задолжително да го користат новиот редизајниран образец “ДДВ-05/1“ кој може да се преземе од веб страницата на УЈП. Новиот образец со поедноставена содржина е прилагоден за компјутерско пополнување...

Од 29 јуни до 1 јули 2011 година, за прв пат во Република Македонија се одржува работилница во рамките на програмата FISCALIS 2013, донесена од страна на Европската комисија - Генерален директорат за оданочување и царина (DG TAXUD). На работилница учествуваат 45 претставници од 23 европски земји кои ќе го презентираат своето искуство на тема „Права и обврски на даночните обврзници и даночните администрации“, а се со цел подобрување на даночниот систем на внатрешниот пазар преку ефикасно управување и размена на информации помеѓу националните даночни власти, како и со даночните обврзници.

Со последните измени и дополнувања на Законот за данокот на добивка („Службен весник на РМ“, бр.47/2011) се имплементираат неколку новини во делот на оданочувањето на фирмите со данокот на добивка, од кои позначајни се воведувањето на оданочување на помалку искажаните приходи, новиот начин на пресметување на амортизацијата на нематеријалните и на материјалните средства, даночното поттикнување по основ на трошоците за уплатените придонеси во доброволен пензиски фонд и на трошоци за репрезентација, како и поедноставување на оданочувањето на малите и микро бизниси – обврзници на годишен данок на вкупен приход...