Ги информираме даночните обврзници дека од 03.09.2009 година, услугите на Управата за јавни приходи ќе бидат достапни и преку новоотворениот Даночен шалтер- Могила, за подрачјето на општина Могила.

Ги известуваме даночните обврзници дека од 1 септември до 1 октомври 2009 година, Управата за јавни приходи им овозможува на сите даночни обврзници кај кои настанала промена во делот на регистарските податоци од даночната пријава “УЈП-РДО” да извршат нивно ажурирање. По истекот на утврдениот период, за даночните обврзници кај кои ќе се утврди неусогласеност на регистарските податоци, Управата за јавни приходи ќе пристапи кон примена на пропишаните санкции.

Ги информираме даночните обврзници дека Управата за јавни приходи отпочна со достава на Даночните решенија за годишен персонален данок од доход за 2008 година. Со цел олеснување и поедноставување на постапката за плаќање на персоналниот данок за граѓаните, од оваа година Управата за јавни приходи изготви Даночно решение со кое директно, без пополнување на уплатници/налог за плаќање, граѓанинот ќе може едноставно да ја исполни својата законска обврска - да го плати својот персонален данок за 2008 година.

Од 26-ти август 2009 година/среда, услугите на Управата за јавни приходи се бидат достапни и преку новоотворениот Даночен Шалтер - Новаци, за подрачјето на општина Новаци.

Правото на отпис на 75% од каматите за доспеаните a неплатени обврски за јавните давачки и споредните даночни давачки заклучно со 31.12.2008 година, како дел од пакетот на владините антикризни мерки, може да се реализира доколку се изврши плаќање на главниот долг и споредните даночни давачки во текот на 2009 година, односно во рамки на второутврдениот законски рок до 31 август 2009 година.