Дали треба само да раководиме или да бидеме лидери во она што го работиме е главниот акцент на Програмата “ЛИДЕРСТВО И МЕНАЏМЕНТ“, која отпочна да се спроведува во Управата за јавни приходи. Програмата “Лидерство и менаџмент“ се спроведува во рамките на Проектот “Поддршка на даночните реформи“ финансиран од Европската унија (ИПА 2007) во соработка со холандски поддржаниот проект на Меѓународниот монетарен фонд (ММФ).

Скопје - Од 9 до 20 мај, во Управата за јавни приходи се организираше Регионалната вежба за нацрт-стандарди за оданочување и царина финансирана од страна на Европската комисија во рамките на инструментот за претпристапување за западен Балкан и за Турција (ИПА). Главната цел на проектот е проценка на административниот капацитет на Управата за јавни приходи и на Царинската управа на Република Македонија со помош на рамката поставена во нацрт-стандардите за царина и финансии, издадени од страна на Генералната дирекција ТАКСУД (TAXUD) на Европската комисија.

Од денес/27 април 2011/, во примена е нов образец за поднесување на „Барање за одобрение на даночно ослободување по основ на воведување на систем на опрема за регистрирање на готовинските плаќања“ (ПДД-02) кој го поднесуваат самостојните вршители на дејност за користење на правото на даночно ослободување од персонален данок по основ набавени и ставени во употреба до десет фискални апарати. Новиот образец е објавен и може да се преземе од веб страницата на УЈП...

Во врска со прилогот „Финална пресметка на Груевски со А1“ емитуван во вестите на А1 на 19.04.2011 година во 19.00 часот, Управата за јавни приходи изразува чудење за наводни рокови, стечаи, затворања и распродажби на медиуми како што се наведува во прилогот. Бидејќи овластените лица на А1 и Плус продукција во целост се запознати со наодите и доказите на УЈП и истите може слободно да ги објават во целост, не е јасно која е целокупната заднина на приказната и дали е ова уште еден обид работењето на одредени даночни обврзници да се стави над законот притоа манипулирајќи ја јавноста, бидејќи во решенијата на УЈП не постои рок 45 дена, ниту се споменува стечај, ниту затворање и распродажба на медиуми.

Скопје – Од 21 до 22 март 2011 година во работна посета на Управата за јавни приходи е четворочлената делагација на косовската даночна администрација предводена од директорот, г-динот Беџет Халити. Главна тема и интерес на билатералната средба е воспоставување на комуникација и следните чекори на двете администрации поврзани со најавите за склучување на Меѓународниот договор за одбегнување на двојно оданочување или неоданочување меѓу Македонија и Косово.