Од денес/27 април 2011/, во примена е нов образец за поднесување на „Барање за одобрение на даночно ослободување по основ на воведување на систем на опрема за регистрирање на готовинските плаќања“ (ПДД-02) кој го поднесуваат самостојните вршители на дејност за користење на правото на даночно ослободување од персонален данок по основ набавени и ставени во употреба до десет фискални апарати.
Новиот образец е објавен и може да се преземе од веб страницата на УЈП (кликни тука).

Пополнетото барање “ПДД-02“, кое е прилагодено и за компјутерски внес на податоците, се доставува до даночната канцеларија на УЈП (според седиштето на даночниот обврзник) и тоа во пресметковниот период во кој одобрениот систем на опрема за регистрирање на готовинските плаќања е набавен и воведен во употреба.

Правото на даночно намалување се остварува во пресметковните периоди (месеци), во утврден месечен износ, до крајот на календарската година, а доколку не биде искористено во целост, истото се пренесува во наредниот период.

За повеќе информации обратете се во Инфо центарот на УЈП на 0800 33 000.