29.01.2009
Пресметки на плати “МПИН“ во случаи на користење на боледување, породилно отсуство, ослободување од персонален данок за нововработени лица ...
Ги информираме даночните обврзници дека софтверот за интегрирана наплата во Управата за јавни приходи не ги прифаќа пресметките на плата “МПИН“ на работодавачите кои имаат вработени лица кои користат боледување, породилно отсуство, ослободување од персоналниот данок за нововработени лица и други случаи во кои се пресметува придонес или данок, а плаќањето не е на товар на работодавачот. Во сите вакви случаи, иако пресметката на плата на работодавачот е точна, системот издава налог за плаќање кој содржи износ за плаќање од сметката на работодавачот.
УЈП интензивно работи грешката да се отстрани во најкраток можен рок. Во истиот момен, кога истата ќе биде отстранета, даночните обврзници ќе бидат известени за да подигнат точен налог за плаќање.
