Etax
Физички лица Правни лица Меѓународни организации
Пребарување на даночни
обврзници
Внесете назив, седиште, единствен даночен број (ЕДБ) или матичен број (МБ) на даночниот обврзник
П
В
С
Ч
П
С
Н
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Recnik
23.02.2018
УЈП со дополнителни шалтери за поднесување на Годишна даночна пријава

Со цел доближување на услугите до даночните обврзници и избегнување на метежите, покрај шалтерите лоцирани во сутеренот во Регионалната дирекција Скопје (ул. 11 Октомври број 27 / спроти Даре Џамбаз), Управата за јавни приходи отвори и дополнителни шалтери за поднесување на Годишна даночна пријава лоцирани:

  • на приземјето на Дирекцијата за големи даночни обврзници (зграда на ССМ);
  • општина Ѓорче Петров во зградата на урбаната заедница Ѓорче Петров (кај полициската станица);
  • општина Бутел во општинската зграда;
  • општина Гази Баба во бараката за едношалтерски систем (поранешен даночен шалтер на УЈП); и
  • општина Аеродром, во општинската зграда на втори кат.

На овој начин граѓаните од Скопје но и сите оние кои се од друг град, а кои привремено работат или живеат во Скопје, можат пополнетата Годишната даночната пријава за утврдување на персонален данок на доход (види http://www.ujp.gov.mk/mk/obrasci/opis/21) да ја поднесат на повеќе локации, вклучувајќи го и Даночниот шалтер Чаир, како и во Мобилните даночни шалтери на УЈП (види http://kontaktcentar.ujp.gov.mk).

Прием на Годишните даночни пријави во горенаведените општини ќе се врши од 26.02.2018 година до 15.03.2018 година, во период од:

  • 07:00 до 21:30 часот во Регионална дирекција Скопје;
  • 07:00 до 21:30 часот на приземјето на Дирекцијата за големи даночни обврзници (зграда на ССМ);
  • 08:30 до 16:30 часот во Даночниот шалтер Чаир;
  • 08:00 до 16:00 часот во општините Ѓорче Петров, Гази Баба и Бутел; и
  • 08:00 до 18:00 часот (во две смени) во општина Аеродром.

За сите дополнителни информации и помош при пополнувањето на Годишната даночна пријава, граѓаните можат да се обратат во Инфо центарот 0800 33 000 и 02/3253 200 или да побараат помош од даночните агенти во даночните канцеларии.


Корисни информации

Заклучно со 22.02.2018 година, во УЈП се поднесени вкупно 85.031 Годишни даночни пријави, а се очекува да се поднесат над 400 илјади даночни пријави до истекот на крајниот рок 15-ти Март.

Поднесени Годишни даночни пријави заклучно со 22.02.2018 година
Регионална дирекција на УЈП Хартиени Електронски ВКУПНО
Скопје  29,000  275 29,275
Битола  11,728  29 11,757
Тетово  7,313  38 7,351
Струмица 5,777 27 5,804
Прилеп 10,881 42 10,923
Штип 19,861 60 19,921
ВКУПНО 84,560 471 85,031
Извор: Управа за јавни приходи

 


© Управа за јавни приходи на Република Македонија