Управата за јавни приходи изготви ново Упатство за начинот и постапката за враќање на данокот на додадена вредност на посебни субјекти – ДДВ 104 и тоа за:

• даночни обврзници без седиште, подружница, постојано живеалиште или престојувалиште во земјата;
• непрофитни организации;
• странски дипломатски или конзуларни претставништва и нивни членови;
• меѓународни организации и нивни членови.

* Упатството влегува во сила од 14 јули 2010 година.

Со новото Упатство се изврши усогласување на претходното упатство за враќање на ДДВ и акцизи на посебни субјекти, а како резултат на измените на Законот за акцизите кои повеќе не се во надлежност на Управата за јавни приходи.

Нови ДДВ обрасци

УЈП изврши промена и редизајн на постоечките барања за враќање на ДДВ-то кои посебните субјекти ги доставуваат до Управата за јавни приходи за кои е овозможено компјутерски да се пополнуваат.

• (ДДВ -11) - Барање за враќање данок на додадена вредност согласно со член 46 од ЗДДВ и член 11 од ДДВП
• (ДДВ -12) - Барање за враќање данок на додадена вредност согласно со член 47 од ЗДДВ и член 12 од ДДВП
•  (ДДВ -13) - Барање за враќање данок на додадена вредност за набавени добра и користени услуги во РМ согласно член 48 став 1 и член 49 од ЗДДВ (за службени потреби)
• (ДДВ -14) - Барање за враќање данок на додадена вредност за набавени добра и користени услуги во РМ согласно член 48 став 2 и член 49 од ЗДДВ (за приватни потреби)
• (ДДВ-Б21) - Барање за издавање на уверение за регистрација на даночен обврзник за цели на данокот на додадена вредност

Преземете ги новите обрасци тука.