Во пресрет на Денот на Даночните работници, директорката на Управата за јавни приходи, Сања Лукаревска,како и заменикот директор Насер Демири, денеска го посетија реновираното даночно одделение на УЈП во Кичево, кое од неодамна доби нов, модерен и пред се функционален простор.
Со средства на Управата за јавни приходи, старите, уништени и нефункционални канцеларии, се заменети со нов изглед.
Реновирани се 264м2 корисна површина за канцеларии, во коишто работат 28 вработени, како и 130м2 подрумски простории за архива.
Објектот доби нов кров и фасада, а надворешниот простор има хортикуларно уреден и ограден простор. Овозможен е паркинг простор за вработените и странките, а изградена е и пристапна рампа за лица со телесен инвалидитет.
Заменети се сите прозорци и врати, а целосно се поправени и подовите.
Комплетно е променета електричната, водоводно одводната и мрежната инсталација.
За целосната реконструкција, УЈП издвои 4 милиони денари.