Управата за јавни приходи ги демантира “ексклузивните“ информации на порталот Либертас објавени во текстот „Инспекторка од УЈП средувала вип гости во Сушико бар!“ на 01.07.2013 година.
Управата за јавни приходи нема вршено инспекциска контрола во „Сушико бар“, во петокот/28 јуни 2013, како што е наведено во новинарскиот текст.
Земајќи го предвид фактот дека ниту еден претставник од „Либертас“ или новинарот кој го има пишувано текстот и не е потпишан, ја нема контактирано Управата за јавни приходи во врска со „наводната“ инспекциска контрола, изнесените невистини за работењето на даночниците ги сметаме како обид да се наруши имиџот на даночната администрација и истовремено јавноста да се доведе во заблуда со шпекулации и непотврдени информации.
