И покрај постојаните апели на УЈП - даночните обврзници да ги регистрираат готовинските плаќања и да ја водат финансиската евиденција на начин како што е предвидено со позитивните прописи, во изминатиот период даночните контроли утврдија дека во 93 случаи фирмите се обиделе да го заобиколат законот.

Даночните контроли се спроведени во повеќе градови низ Македонија, а според Регионалните дирекции на УЈП состојбата е следна:

• РД Штип – 32 објекти со неправилности
• РД Скопје - 28 објекти со неправилности
• РД Битола - 25 објекти со неправилности
• РД Кавадарци - 8 објекти со неправилности

Поради сторен прекршок, на сите обврзници кој постапиле спротивно на Законот за регистрирање на готовинските плаќања, изречена им е парична глоба која се движи до 3250 евра во денарска противредност, како и времена мерка за забрана на вршење на дејност од 15 дена, односно 30 дена.