Во врска со последните случувања и најавените протести во Прилеп, ставот на Управата за јавни приходи не може да биде поинаков од она што е пропишано во даночните закони.
„Чесно и поштено заработениот леб“ е од платени даноци, како и во секоја нормална држава. Физички напад и навреди кон вработени во УЈП...се неоправдани, недозволиви и нецивилизирани.
Секој даночен обврзник има права и обврски, и истите треба да ги решава институционално. За жал во конкретниот случај тоа не е направено, туку службените лице на УЈП во два наврати се нападнати од страна на ист даночен обврзник во Прилеп со цел спречување на вршење на службените должности и контрола на финансиското работење.
Доколку даночен обврзник или група граѓани има поплаки и барања до УЈП, истите ќе бидат сослушани и одговорени согласно законите.