(Скопје, 02.03.2012) Работилница „Управата за јавни приходи во стечајни постапки, утврдување на побарувања и разлачно право“

На едновната работилница која се одржа во Контакт центарот на УЈП, 18 правници од Секторот за правни работи и одделенијата од регионалните дирекции на УЈП, ги разгледаа можностите и модалитетите за зголемување на ефикасноста при пријавување на побарување и право на одвоено намирување – разлачно право во стечајните постапки.
Преку работа во тимови и решавање на конкретни случаи, се донесоа заклучоци и деловна рамка врз основа на кои треба да се подобри даночната пракса поврзана со стечајните постапки во која како доверител се јавува Управата.
 

			(Битола, 23-24.03.2012) Работилница „Деловни процеси при администрирање на мали и средни даночни обврзници“ Континуираното унапредување на деловните процеси за администрирање на мали и средни даночни обврзници се наметнува како неопходност, земајќи ги предвид каректиристиките, но и бројноста на оваа категорија на обврзници. Поагајќи од искуствата на Регионална дирекција Скопје, која администрира 63.105 мали и средни обврзници, 25 вработени од стручните служби (утврдување и наплата, правни работи, присилна наплата и внатрешна ревизија) имаа можност да се запознаат со автоматизираниот систем за одлучување по правен лек по Годишните даночни пријави и за постапките на порамнување, понатаму преземените

мерки и активности за зголемување на ефикасноста при администрирање на персоналниот данок за самостојните вршители на дејност, како и даночната пракса во постапките на репрограм согласно постојната законска регулатива, процедурите за одобрување и анализа на ефектите.
Учесниците покрај стекнувањето на теоретските знаења, заеднички во тимови решаваа 5 специфични случаи, врз основа на што од работилницата произлегоа препораки и предлози за подобрување на деловните процеси при администрирање на мали и средни даночни обврзници.
 

е-пошта: danochnaakademija@ujp.gov.mk
ОБУКА ЗА УСПЕХ!