По завршувањето на тридневните даночни контроли, билансот на затворени објекти се искачи на вкупно 152. Мобилните екипи на УЈП во вечерните часови од четврокот до саботата, “оперираа“ во централните градски подрачја и на други прометни места во скоро сите поголеми општини во Македонија при што во 207 случаи, фирмите не го пријавувале прометот преку фискалниот апарат.
Најчесто преку ваквите обиди, објектите го фингираат прометот и прикажуваат помалку данок, со што не ја оштетуваат само државата, туку претставуваат и нелојална конкуренција на оние што го почитуваат законот.
Најголем број на казнети фирми се во тетовскиот регион и тоа вкупно 105, од кои со времена мерка за затворање од 15 до 30 дена се соочуваат 73.
Во Скопје од 31 објект каде е утврден прекршок, 26 се затворени, од кои 8 на т.н. “пластичарска улица“.
