Отворената телефонска линија 198 постои повеќе од две години и беше отворена со единствена цел, граѓаните активно да се вклучат во воведување на ред во даночната и фискалната сфера во Македонија.
Во изминатиот период благодарение на ваквите јавувања откриени се и санкционирани поголемиот дел од пријавените случаи за неправилно работење.
Во периодот од 01.01.2006 до 31.08.2006 година, на отворената телефонска линија на УЈП евидентирани се 1266 пријави од кои за дел од нив Управата веќе има преземено соодветни мерки. Остатокот од пријавените случаи се во постапка за утврдување на постоење на аномалии во работењето и тежината на истите заради нивно понатамошно корегирење и санкционирање.

Пријави по категории од 01.01.2006 до 31.08.2006 година

Опис на јавување                                                                                         Вкупен број на пријави
Неиздавање на фискална сметка                                                                                   603
Непрофесионално однесување на државен службеник                                                46
Затајување на данок на даночен обврзник                                                                   663
Невалидна пријава                                                                                                           279
Барање на консултација                                                                                                  150
Погрешен повик                                                                                                             70002

По однос на пријавите, Управата за јавни приходи во координација со Регионалните дирекции и во соработка со Државниот пазарен инспекторат и Државниот инсекторат за труд ќе продолжи и во иднина да ги следи неправилностите во работењето на субјектите.

Управата за јавни приходи уште еднаш апелира до сите граѓани да ги пријават сите случаи на неиздавање на фискална сметка, затајување на данок како и други неправилности со цел корегирање и санкционирање на истите.