Во врска со прилогот на А1 „Фронтален напад врз А1“ објавен во вестите на А1 телевизија во 19.00 часот на 17.03.2011 година (новинар: Мишко Иванов), ги демантираме изнесените информации дека Управата за јавни приходи истапува со различни информации, како и реагираме на изнесување на делумни информации од страна на редакцијата на А1.

„Управата за јавни приходи стои зад сите информации кои ги изнесува и пласира во јавноста. Преку цитирање само на делови од нацрт-записници на УЈП, избрани од редакцијата на А1, се искривува сликата во јавноста за посочениот случај.

Ако се земе предвид дека токму од страна на раководството на А1 е побаран подолг временски период за темелно да го разгледаат нацрт-записникот кој содржи обемен материјал за нивното повеќегодишно работење и како би можеле да се произнесат по однос на наодите на даночните инспектори, се прашуваме како може јавноста објективно да биде информирана преку изнесување на половични и тенденциозно избрани делови од нацрт-записникот?“