Остануваат уште неколку дена за поднесување на „Биланс на приходи и расходи“ и „Годишен даночен биланс“, кои до 15 март 2011 треба да ги достават:

• Tрговци-поединци и
• Физички лица кои остваруваат приходи од: стопанската дејност (фризери, бербери, златари, такси превозници...), давање професионални и други интелектуални услуги (нотари, адвокати, стоматолози...), занаетчиска дејност, земјоделска дејност и од други дејности чија трајна цел е остварување на приходи.

Билансот на приходи и расходи (образец "Б") и Годишен даночен биланс (образец "ПДД-ДБ") се бесплатни и може да ги преземете од интернет (кликни тука) или на шалтери во УЈП.

Покрај во даночните канцеларии низ Републиката, самостојните вршители на дејност обрасците можат да ги поднесат и во Контакт центарот во Скопје (ГТЦ 2-ри кат, над Кино Милениум) кој работи од 9 до 20 часот, секој ден освен недела.

Граѓанинот кој покрај приходите од вршење на самостојна дејност во 2010 година, остварил и други приходи, има обврска да поднесе и Годишна даночна пријава (образец “ПДД-ГДП“) најдоцна до 15 март 2011 година.