Новата Даночна пријава на данокот на додадена вредност (образец “ДДВ-04“) ќе се применува од 1 октомври 2010 година и е во функција на усогласување со последните измени на Законот за ДДВ, со кои се предвидува прилогот кон ДДВ-пријавата – Периодичен извештај од денарски и девизни трансакциски сметки на ДДВ обврзникот да се доставува до Управата за јавни приходи по електронски пат од страна на носителите на платен промет (банки).
Формата и содржината на новата ДДВ-пријава е пропишана со Правилникот за формата и содржината на даночната пријава на данокот на додадена вредност објавен на 27 септември 2010 година („Службен весник на РМ” бр. 128/2010).
За подетални информации во врска со пријавувањето, утврдувањето и плаќањето на данокот, како и специфичностите при пополнување на ДДВ-пријавата, Ви препорачуваме да ја преземете најновата брошура на УЈП - „Регистрација и плаќање на данокот на додадена вредност“.
