Ги потсетуваме даночните обврзници на данокот на добивка дека плаќањето на месечните аконтации за овој данок треба да го извршат до 15-ти во месецот. Ваквата обврска не се однесува на даночните обврзници со посебен статус и тоа: заштитните друштва, стопанските единици во рамките на установите за извршување на санкции и казнено –поправните установи, како и корисниците на технолошко индустриските и развојни зони.

НАПОМЕНА: На правното лице кое во пропишаниот рок не ја плаќа месечната аконтација на данокот на добивка и износот на данокот содржан во исплатената аконтација на дивиденда или друга распределба од добивката, ќе му се изрече глоба во износ од 2000 до 3000 евра во денарска противвредност.

Утврдување на месечни аконтации за данокот на добивка за 2009
Месечните аконтации за данокот на добивка за 2009 година се утврдуваат од износот на данокот содржан во непризнатите расходи во Даночниот биланс за 2008 година намален за износот на даночниот кредит (данокот содржан во расходите за кои во изминатиот период е извршено зголемување на даночната основа) и даночните ослободувања искажани во истиот биланс.

Корисни информации
Соопштение УЈП/06.03.2009 - „Нов начин на пресметка на аконтации на данок на добивка за месеците февруари – декември 2009 и јануари 2010“