Со особена почит го одбележуваме овој ден, изразувајќи признание за вашата посветеност, стручност и одговорност во извршувањето на оваа значајна и благородна професија.

Сметководителите претставуваат неопходен дел од економскиот систем – сигурен партнер во обезбедувањето точни, транспарентни и законски усогласени финансиски извештаи. Вашата улога е од исклучително значење за правилното функционирање на даночниот систем и за градењето доверба меѓу институциите, стопанството и граѓаните.

Во време на динамични промени и забрзана дигитална трансформација, Управата за јавни приходи останува ваш сигурен и посветен соработник – со цел унапредување на професионалните стандарди, воведување современи решенија и обезбедување транспарентна и континуирана комуникација.

Ви посакуваме добро здравје, многу успех и бројни професионални достигнувања.
Среќен Ден на сметководителите!