Даночниот речник опфаќа дефиниции на поими и кратенки кои директно или индиректно се поврзани со даночното работење. Како систематизиран материјал, речникот првенствено е сублимат на терминологија опфатена и дефинирана во законските и други прописи.
Лица ослободени од акциза кои годишно произведуваат помалку од 5 хл вино или 2 хл алкохолни пијалоци за сопствени потреби.
Билатерален договор со кој се регулира размената на информации помеѓу државите - потписнички на договорот, како и оданочувањето на конкретен вид на приход остварен во едната држава од страна на лице резидент на другата држава, со цел одбегнување на двојното оданочување.
Право на Управата за јавни приходи врз основа на меѓународните договори, во тек на даночна постапка да се обрати за давање на правна помош до странски даночен орган, како и обврска на Управата за јавни приходи да даде таква помош на странски даночен орган.
Местото со адресата (улица и број) на живеење на физичкото лице, како и државата ако физичкото лице е странец.
Местото каде доброто се наоѓа во моментот на пренос на правото на располагање.
Домашно правно лице кое извршува стопанска дејност (освен банкарска, финансиска, осигурителна и дејност во областа на игрите на среќа и забавните игри), чиј број на вработени не надминува девет, вкупниот приход не надминува 50.000 евра во денарска противвредност, остварениот приход од еден купувач не надминува 80% од вкупниот приход и сите права да се во сопственост на најмногу две физички лица.
Моторен бензин, гасно масло (дизел), течен нафтен гас (ТНГ-плин), керозин, масло за ложење (мазут) и масла за подмачкување.
(види и акциза, акцизно добро)
