Данокот што ќе се задржи во согласност со одредбите од член 21 на Законот за данок на добивка, објавен во „Службен весник на Република Македонија“, бр.112/14...232/19 и „Службен весник на Република Северна Македонија“, бр.275/19 и 290/20, се пресметува на бруто приходите по стапка од 10%.

Доколку странското правно лице (примател на приходот) е резидент на држава со која Република Северна Македонија има склучено договор за одбегнување на двојното оданочување по однос на даноците на доход и капитал, тогаш даночната стапка која е утврдена за тој приход утврдена во Законот не смее да ја надмине даночната стапка која се применува за приходот одредена во договорот. Тоа значи дека доколку со одредбите од договорите даночната стапка по која треба да се пресметува и задржува данок на одделни видови на приходи, не е фиксно определена, туку е дадена формулацијата...така обложениот данок не може да надмине повеќе од ____ проценти..., тогаш при пресметување и задржување на данок на овој вид на приход треба да се примени пониската стапка помеѓу даночната стапка одредена во Законот за данок на добивка и стапката утврдена во договорот за одбегнување на двојното оданочување.

(*) Договор склучен од страна на Република Македонија и конкретната држава, а кој сеуште не е во примена.
(**) Договор склучен од страна на Сојузна Република Југославија и Република Македонија и се применува во однос на Република Србија и Република Црна Гора.
(***) Даночната стапка од 10% се применува само во случај на користење или право на користење на кинематографски филмови и филмови или ленти за радио и телевизиски пренос, додека даночната стапка од 5% се применува во сите останати случаи.
(****) Други приходи подразбираат делови од доходот на резидент на државата договорничка, без оглед каде се остварени, а кои не се опфатени со одредбите од конкретниот договорот.

За да го преземете соодветниот Договор за одбегнување на двојно оданочување, кликнете на називот на земјата во табелата подолу.