Услугите на УЈП Регионална Дирекција Битола од денес се достапни и преку новоотворениот Даночен Шалтер Вевчани, кој ќе ги опслужува граѓаните на општина Вевчани.

По завршувањето на вториот рок (од 1 мај до 31 август 2009) за “отпис на каматите” на неплатените обврски за јавните давачки и споредните даночни давачки, Управата за јавни приходи отпиша 68,5 милиони денари камати на 300 даночни обврзници.

Управата за јавни приходи ги известува граѓаните и даночните обврзници дека од 15 септември 2009 година, сите видови обрасци (барања за издавање на уверенија и потврди, даночни пријави и сл.) кои се доставуваат до Регионалните Дирекции може да ги поднесуваат и во Контакт Центарот на УЈП без разлика на местото на живеалиште на граѓанинот, односно местото на седиште на правното лице.

Ги информираме даночните обврзници дека од 03.09.2009 година, услугите на Управата за јавни приходи ќе бидат достапни и преку новоотворениот Даночен шалтер- Могила, за подрачјето на општина Могила.

Ги информираме даночните обврзници дека Управата за јавни приходи отпочна со достава на Даночните решенија за годишен персонален данок од доход за 2008 година. Со цел олеснување и поедноставување на постапката за плаќање на персоналниот данок за граѓаните, од оваа година Управата за јавни приходи изготви Даночно решение со кое директно, без пополнување на уплатници/налог за плаќање, граѓанинот ќе може едноставно да ја исполни својата законска обврска - да го плати својот персонален данок за 2008 година.