Со најновите измени на Законот за данокот на добивка, од 7 јули 2010 за исплатените дивиденди и други исплати од добивка, даночниот обврзник покрај обврската за поднесување на образец “ДД-ИД“, потребно е до УЈП да достави и прилог пресметка со која ќе се разграничи исплатената дивиденда кон правните лица - резиденти на РМ и исплатите кон странски правни лица и физички лица - резиденти и нерезиденти на РМ. За начинот на пополнување на прилогот „Пресметка кон образец ДД-ИД“ ...

Поради честите јавувања од страна на обврзниците за начинот и постапката за промена, односно издавање на нов Код за идентификација за пресметка на бруто-плата на кој му истекува важноста, УЈП ги дава следните препораки: 1) Проверете кога истекува важноста на вашиот код за идентификација според дадените упатства и 2) Со цел да не дојде до пречки при поднесување на пресметките на бруто-плата, пред истекот на валидноста на постоечкиот код, поднесете барање за издавање на нов код (образец БКИ-ИН). Во истиот момент на поднесување на Барањето, УЈП ќе ви додели нов код за идентификација.

Со најновите законски измени во делот на данокот на додадена вредност, повластената даночна стапка од 5% на прометот и увозот на земјоделската механизација ќе продолжи да се применува се до пристапувањето на Република Македонија во членство на Европската Унија.

Управата за јавни приходи изготви ново Упатство за начинот и постапката за враќање на данокот на додадена вредност на посебни субјекти – ДДВ 104 кое стапува во сила од 14 јули 2010 година. Исто така, извршена е промена на постоечките барања за враќање на ДДВ-то на посебните субјекти, односно обрасците ДДВ-11, ДДВ-12, ДДВ-13, ДДВ-14 и ДДВ-Б21.

Во 13 градови и тоа: Тетово, Гостивар, Скопје, Куманово, Кавадарци, Велес, Гевгелија, Неготино, Прилеп, Ресен, Охрид, Битола и Струга, извршени се вкупно 420 контроли од кои во 51 објект даночните контролори констатирале дека спортсткото обложување се приредува без соодветна лиценца или готовинскиот промет не е регистриран преку фискален апарат, односно не се издавале фискални сметки.