Виница - Денес/25 октомври 2013 година двајца даночни контролори од Регионалната дирекција Скопје биле спречени во вршењето на службените должности, а едниот бил и физички нападнат од Петре Анѓелов, сопственик на хотелот „Шагал“, лоциран во близина на Виница. Во текот на контролата, даночниците откриле дека сопственикот води интерни евиденции за остварениот промет. Додека траел увидот во документацијата, двајцата даночни контролори биле вербално навредувани, а во моментот кога ја откриле неправилноста во работењето, сопственикот на хотелот физички го нападнал даночниот контролор кој вршел увид во интерната документација и брутално му ја одзел, со што оневозможил увид во истата од страна на службените лица од УЈП. По инцидентот, случајот е пријавен во полициската станица Виница, а сопственикот на објектот е приведен...

Тетово – Денес/24 октомври 2013 година, истурена е непозната течна материја во просториите на Управата за јавни приходи во Тетово. Имено, утринава кога вработена во Регионалната дирекција Тетово пристигнала на работното место забележала дека во ходникот, пред влезот во канцелариите на Управникот и Заменик управникот, има истурено поголема количина на непозната течна материја со сребреникава боја, која многу наликува на жива. Со цел, преземање на соодветни мерки за постапување со непознатата течност, случајот е веднаш пријавен во СВР Тетово и Противпожарната служба...

Секој купувач на добро или корисник на услуга има право да добие фискална сметка во моментот на плаќање. Неиздавањето на фискалната сметка, подразбира и дека граѓанинот нема потврда дека купил и платил за цената на производот/услугата во соодветниот деловен објект, со што се загрозуваат неговите потрошувачки права - за враќање или рекламација на купеното. Во последните контроли, се утврди дека 60 деловни објекти во Скопје, Прилеп, Битола, Кочани, Куманово, Струмица, Радовиш, Неготино и Кавадарци, со неиздавањето на фискални сметки им ги ускратиле правата на граѓананите кои “трошеле“ и “пазарувале“ токму во нивните деловни објекти...

Според последните информации од терен, даночните контролори од Управата за јавни приходи затворија 40 деловни објекти во Маврово, Дебар, село Јанче, Струга, Лабуниште, Радожда, Враниште и Скопје, односно на сите им е изречена парична глоба и мерка времена забрана за вршење дејност. И покрај постојаните апели од УЈП до даночните обврзници да издаваат фискални сметки и да го регистрираат прометот, како и јавните објави дека Управата зајавни приходи континуирано врши интензивни контроли на терен во делот на фискализацијата, некои даночните обврзници продолжуваат да го заобиколуваат законот. Контролите се во тек и ќе продолжат во наредниот период.

65 проценти од деловните објекти прикажувале нереални финансиски показатели и со тоа директно го оштетиле буџетот, покажуваат контролите на УЈП спроведени во месец Септември. Над 400 објекти не го прикажувале во целост готовинскиот промет од своето работење и плаќале помалку данок. Само во последните два дена, затворени се 17 објекти во Скопје, од кои четири се поголеми салони за мебел лоцирани во Центар, Чаир и Бутел. Во еден случај поднесена е и кривична пријава поради неовластено отстранување на пломбата на објектот. Со цел реално оданочување, УЈП паралелно со интензивните контроли во делот на фискализација, ја применува и мерката „попис“ посебно кај ризичните дејности, што значи проверка и пребројување на целокупната стока и производи во сите деловни единици на даночниот обврзник...