Управата за јавни приходи информира дека системот е-Персонален данок e-pdd.ujp.gov.mk, ќе биде привремено недостапен поради имплементација на обрасците “ДЛД-ДБ” и “Б” за 2019 година кои задолжително се поднесуваат по електронски пат преку e-pdd.ujp.gov.mk.
На системот е-Персонален данок поставено е Барањето за одобрение на даночно ослободување по основ на воведување на фискален систем на опрема, односно фискална апаратура и интегриран автоматски систем на управување (образец ДЛД-02), кој ќе започне да се поднесува електронски преку e-pdd.ujp.gov.mk во 2021 година.
Во системот е-Персонален данок во модулот„Доход од вршење самостојна дејност“ се содржи под-модулот Вистински доход, преку кој се врши внес и обработка на:
- Биланс на приходи и расходи (образец “Б”) и
- Годишен даночен биланс (образец ДЛД-ДБ).
При внес на обрасците, редоследно прво се пополнува Билансот на приходи и расходи (образец “Б”), а откако истиот ќе биде потпишан се внесува Годишниот даночен биланс (образец ДЛД-ДБ).
По добивање на статус „Потпишана“ на образецот ДЛД-ДБ, автоматски се креираат пресметки за конечната даночна обврска по даночниот биланс и аконтативните пресметки за плаќање на месечните аконтации на данокот на личен доход. Пресметките може да ги прегледате во менито „Аконтативна пресметка“ и да испечатите рекапитулација. Реализацијата на налозите за плаќање треба да се изврши преку образецот ПП53 (налогот од рекапитулацијата).
Корисни информации:
- “ДЛД-ДБ” (види линк http://www.ujp.gov.mk/mk/obrasci/opis/207)
- “Б” (види линк http://www.ujp.gov.mk/mk/obrasci/opis/214)