Memorandum_mk
26.11.2008
Тетово – Затворени 30 спортски обложувалници

Во деталните инспекциски контроли во делот на приредување на игри на среќа и фискализација кои УЈП ги спроведе во текот на вчерашниот ден/25.11.2008/, од 17.00 до 21.00 часот, даночните инспектори констатираа неправилности во работењето на 30 обложувалници и 11 малопродажни објекти.

Кај сите 30 обложувалници даночната инспекција утврди дека вршат нерегистрирана дејност и не поседуваат лиценца за приредување на игри на среќа, поради што на истите им е изречена трајна забрана за вршење дејност и поднесена им е прекршочна, односно кривична пријава.

Поради неиздавање на фискални сметки, односно нерегистрирање на готовинскиот промет на 11-те малопродажни објекти изречена им е глоба која се движи до 1500 евра во денарска противвредност, како и мерка забрана за вршење на дејност во рок од 30 дена.

 
http://www.ujp.gov.mk
© Управа за јавни приходи на Република Северна Македонија