Наближува крајниот рок (15-ти Март) за поднесување на Годишна даночна пријава, а граѓаните имаат уште една седмица да ги пријават приходите во Управата за јавни приходи.

Во текот на следната седмица се очекува околу 170.000 граѓани да ги пријават своите приходи во УЈП. Имено, заклучно со 08.03.2018 година, поднесени се 235.258 пријави, од кои најмногу во Скопје и тоа 86.643.
Со цел избегнување на метежите на даночните шалтери, особено во Скопје, потсетуваме дека граѓаните можат да ги поднесат пријавите и во дополнителните пунктови кои УЈП ги отвори за прием на Годишните даночни пријави во Центар, како и општините Ѓорче Петров, Бутел, Гази Баба и Аеродром (за повеќе информации види http://www.ujp.gov.mk/mk/javnost/soopstenija/pogledni/629) или да ги поднесат преку Мобилните даночни шалтери кои ќе гравитираат во повеќе населени места и општини во Скопје и низ Македонија (види возен ред http://www.ujp.gov.mk/mk/otvoreni_povici/pogledni/363).

Корисни информации

• (ПДД-ГДП) Годишна даночна пријава за утврдување на персоналeн данок на доход (преземи http://www.ujp.gov.mk/mk/obrasci/opis/21)
• Брошура „Годишна даночна пријава за утврдување на персоналниот данок на доход“ (види http://www.ujp.gov.mk/mk/publikacii/pogledni/2)
• Возен ред на мобилни даночни шалтери / Март 2018 (види http://www.ujp.gov.mk/mk/otvoreni_povici/pogledni/363)
• (23.02.2018) Соопштение „УЈП со дополнителни шалтери за поднесување на Годишна даночна пријава“
• За сите дополнителни информации и помош при пополнувањето на Годишната даночна пријава, граѓаните можат да се обратат во Инфо центарот 0800 33 000 и 02/3253 200 или да побараат помош од даночните агенти во даночните канцеларии.