Etax
Физички лица Правни лица Меѓународни организации
Пребарување на даночни
обврзници
Внесете назив, седиште, единствен даночен број (ЕДБ) или матичен број (МБ) на даночниот обврзник
П
В
С
Ч
П
С
Н
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            
Recnik
20.12.2017
ЗАКАЖИ СРЕДБ@ - ЗА КОРИСТЕЊЕ НА ДАНОЧНИТЕ УСЛУГИ ВО РЕГИОНАЛНА ДИРЕКЦИЈА СКОПЈЕ

Услугата „Закажи средб@“ можете да ја користите он-лајн или преку Инфо центарот на УЈП. Новата услуга на УЈП, во моментов е достапна само за користење на даночните услуги на Регионалната дирекција Скопје, а истата ќе биде задолжителна од 1-ви Мај 2018 година. Даночните обврзници со седиште во Скопје и кои се администрани во Регионалната дирекција Скопје, а кои претходно ќе закажат термин за средба со даночен агент преку „Закажи средб@”, ќе имаат предност во однос на останатите обврзници при добивањето на услугите во УЈП.

Услугата „Закажи средб@“ ви овозможува да закажете термин за остварување на средба со даночни агенти во Регионалната дирекција Скопје, во време кое вам ви одговара, а со цел консултација за прашања кои се однесуваат на: 1) Oпшти информации (рокови, начини за пријавување и плаќање даноци и др.); 2) Отворање на бизнис и регистрација на даночен обврзник; 3) Консултации за издадени даночни документи; 4) Утврдување на даноци; 5) Постапки за наплата на долгови; 6) Правни прашања.

За да закажете средба повикувајте го Инфо центарот (0800 33 000 или 02/3253 200) или направете го тоа он-лајн преку веб страницата на Контакт центарот kontaktcentar.ujp.gov.mk, која овозможува пристап до услугата „Закажи средб@“.


Која е постапка за закажување на средба?

  • Идентификација на корисник преку Инфо центарот или преку електронскиот систем „Закажи средб@“ kontaktcentar.ujp.gov.mk
    Доколку сакате да закажете средба како физичко лице внесете ги следните податоци за идентификација или соопштете ги на операторот: Име, Презиме, ЕМБГ и е-пошта за физичко лице.
    Доколку сакате да закажете средба како правно лице внесете ги следните податоци за идентификација или соопштете ги на операторот: Име, Презиме, ЕМБГ, е-пошта за физичко лице, Назив на фирмата, ЕДБ и ПИН код за правно лице.
    Полињата се задолжителни, освен полето „ПИН код“.
  • Изберете ја даночната канцеларија и услугата
    Изберете ја канцеларијата во која што сакате да закажете средба и услугата која Ви е потребна.
    НАПОМЕНА: Услугата „Закажи средб@“ во моментов е достапна само за користење на даночните услуги на Регионалната дирекција Скопје.
    Полињата се задолжителни, освен полето „Код на референтен документ“.
  • Изберете ги датумот и времето на средба
    Закажувањето на средба се врши најрано за следниот работен ден. Изберете ги датумот и времето на средба, кој вам ви одговара, доколку се слободни и не се зафатени претходно.
  • Потврдете ја закажаната средба
    Потврдете ги информациите за избраната канцеларија, вид на услуга, датум и време на средбата.
    Доколку не сте во можност да дојдете на закажаната средба, потребно е истата да ја откажете или да закажете друг термин.
    Ве молиме почитувајте го закажаниот термин, како би го намалиле времето на чекање на останатите даночни обврзници.

Корисни информации:

 


© Управа за јавни приходи на Република Македонија