Во тридневните засилени контроли/27-29 февруари 2008/ спроведени во делот на фискализацијата, Управата за јавни приходи затвори 298 објекти. Даночните инспектори го контролираа работењето на даночните обврзници на целата териоторија на Република Македонија, односно во 19 града.

Во сите 298 случаи утврдено e дека обврзникот не го регистрирал прометот на добрата и услуги за кои плаќањата се вршат во готово, односно не поседувал фискална каса или неиздавал фискални сметки, поради што на овие даночни обврзници изречени им се казни: времена мерка за забрана за работа од 30 дена и глоба која се движи од 200 до 1500 евра, во денарска противвредност.

Контролите во делот на фискализација се сеуште во тек и ќе продолжат во наредните денови. Управата за јавни приходи инсистира сите даночни обврзници кои вршат промет на добра и услуги за кои плаќањето се врши во готово да воведат и користат фискален апарат, односно да издаваат фискални сметки.