Традиционално во пресрет на одбележувањето на Св.Матеј - Денот на даночниците (29 ноември) и во рамки на програмата за општествена одговорност на УЈП, во тек е крводарителска акција на вработените во Управата за јавни приходи.
Во соработка со Синдикалната организација на УЈП и Црвен Крст, а во духот на хуманоста и солидарноста 151 даночник даруваат крв низ Македонија во Скопје, Гостивар, Тетово, Кичево, Македонски Брод, Кавадарци, Гевгелија, Велес, Валандово, Битола, Прилеп, Охрид, Струга, Штип, Свети Николе, Куманово, Кочани, Струмица и Берово.
Дарувањето на крв е наша општествена одговорност, со еден мал потег на хуманост ќе помогнеме во спасување на нечиј живот.
Наша обврска пред се како граѓани е да ги исполнуваме благовремено обврските спрема државата, но нашата човечка карактеристика е да бидеме хумани и да си помагаме еден на друг, да го изразиме хуманитарниот и социјален карактер, да помогнеме на тие што помошта име е најпотребна.