Во случај на промет на недвижен имот во постапка за присилна наплата (согласно со Законот за даночна постапка) и промет на движен и недвижен имот во постапка за присилно извршување (согласно со Законот за извршување), кога даночен обврзник-должник е регистриран за целите на ДДВ, а доверителот е стекнувач на доброто, субјектот надлежен за присилна наплата, односно присилно извршување има обврска во име и за сметка на должникот да го пресмета данокот на додадена вредност за прометот на добрата кои се предмет на продажба во постапка на присилна наплата или извршување.

Пресметувањето на данокот го врши субјектот надлежен за постапката за присилна наплата, односно присилно извршување на образец ДДВ-ПНПИ/ДС - Извештај за пресметка на данок на додадена вредност во постапка на присилна наплата и присилно извршување.

Субјектот надлежен за постапката за присилна наплата, односно присилно извршување е должен Извештајот ДДВ-ПНПИ/ДС заедно со изготвениот акт кој е основ за стекнување со сопственост на движните и недвижните добра, да ги достави до должникот и до доверителот како стекнувач на доброто