Денес / 16 февруари 2011 година, Управата за јавни приходи отвори уште шест нови даночни шалтери преку кои граѓаните и фирмите од општините Боговиње, Липково, Чешиново-Облешево, Ранковце, Демир Капија и Дојран ќе имаат полесен и директен пристап до услугите на даночната администрација.
Сите даночни шалтери се сместени во админстративните згради на општините / единиците на локална самоуправа:
| Даночен шалтер | Адреса |
| БОГОВИЊЕ | Зграда на општина Боговиње, с. Боговиње |
| ЛИПКОВО | Зграда на општина Липково, с. Липково |
| ЧЕШИНОВО-ОБЛЕШЕВО | Зграда на општина Чешиново-Облешево, с. Облешево |
| РАНКОВЦЕ | Зграда на општина Ранковце |
| ДЕМИР КАПИЈА | ул. 11-ти Октомври бб (општинска зграда) |
| ДОЈРАН | ул. Кеј 5-ти Ноември бб (општинска зграда) |
Ланецот на 24 даночни шалтери кои беа отворени изминатите две години, но и кои допрва ќе се отвораат во најмалите општини, имаат за цел поедноставување на постапките за пријавување на даноците и вадење на документи од УЈП (уверенија, потврди ...), намалување на трошоците за даночните обврзници при плаќањето на нивните обврски, но пред се поквалитетна услуга.
