За потребите на граѓаните/физички лица, Управата за јавни приходи издава Уверение за платени даноци и придонеси, по претходно поднесено Барање (образец УЈП-УН-З.2-19).

Пополнетото барање се поднесува во писмена форма до надлежната даночна канцеларија според местото на живеење, односно престој на даночниот обврзник или по електронски пат преку https://etax-fl.ujp.gov.mk

По извршениот увид и исполнување на условите, односно граѓанинот да нема неподмирени даночни обврски, придонеси и други давачки по сите основи, УЈП го издава бараното Уверение за платени даноци и придонеси.

Рокот за издавање на „Уверението за платени даноци и придонеси“ е веднаш или во рок од 15 дена од денот на поднесување на Барањето.

За повеќе информации во врска со постапката за издавање на уверенија за граѓани/физички лица, кликни тука.