Дарувањето крв претставува привилегија на здравите и надеж за болните. Токму затоа и поттикнати од нашата желба да помогнеме, да покажеме поинаква одговорност кон општеството и оваа година ја организиравме Крводарителската акција под мотото „Капка крв, спасува живот“. Во рамките на акцијата, 136 даночници даруваа крв на 19 пункта низ Македонија...

По повод одбележувањето на 20 ноември - Светскиот ден на детето, а во рамки на Програмата за одбележување на „Св. Матеј“ - Денот на даночниците, вработените во Управата за јавни приходи и оваа година донираа парични прилози, со кои се обезбеди медицинска опрема за ЈЗУ Здравствен дом Скопје - Скопје.

Скопје – На 5 октомври 2012 година во посета на Управата за јавни приходи беа група на ученици од Средношколска академија за бизнис и администрација (САБА). На оваа посета учениците имаа можност да се запознаат со структурната организација на УЈП, законите според кои се раководи, со даноците и другите јавни давачки кои се во надлежност на Управата за јавни приходи, како и со работењето на Контакт центарот.

Скопје - Управата за јавни приходи, во соработка со Интра – европската организација на даночни администрации (ИОТА), беше домаќин на работилница на тема: „Хоризонтален третман – Нови форми и искуства за унапредување на односите помеѓу даночните администрации, даночните обврзници и даночните посредници“ која се одржа во периодот од 30 ноември до 2 декември 2011 година. На настанот учествуваа 35 претставници од 20 земји земји членки на оваа меѓународна организација...

Скопје - На 30 ноември 2011 година, во просториите на Царинската Управа, се одржа обука за вработените во Царинската Управа на тема „Унапредување на знаењата од областа на сметководството и вршење на контрола“. На обуката, организирана во рамките на Даночната Академија на УЈП, цариниците имаа можност покрај теоретскиот дел, да работат и на практични примери во делот на законската регулатива за водење на сметководство контен план, годишна пресметка и биланси, како и во делот на стратегијата за вршење на контрола, избор на случаи за контрола, подготовка на контрола, контрола, евалуација на резултатите од контрола и случаи на даночни измами.