Управата за јавни приходи од 25.05.2023 година има потпишано и усвоено Политика на интегритет, со која се има обврзано за воведување, примена и имплементација на системот за интегритет, преку почитување на уставноста, законитоста, професионалниот интегритет, транспарентноста и заштитата на човековите слободи и права.

Во оваа насока, Управата за јавни приходи прави цврсти заложби за доследна примена на стандардите за интегритет, а сето тоа во насока на законито, независно, непристрасно, етичко, одговорно и транспарентно вршење на работите, со цел да се елиминираат ризиците од корупција, а службените лица да го зачуваат својот углед и угледот на институцијата, со што ќе се обезбеди довербата на граѓаните во работата на институцијата.

Акти, документи и информации поврзани со системот на интегритет:

• Политика на интегритет
• Назначени лица за интегритет во УЈП
• Кодекс на однесување на вработените во УЈП
• Упатство за анти-коруптивно однесување на вработените во УЈП
• Правилник за заштитено внатрешно пријавување во институциите во јавниот сектор
• Овластено лице за заштитено внатрешно пријавување во УЈП
• Процедура за работи и дејности кои се во судир со службените должности и за надворешно работно ангажирање на вработените во УЈП
• Процедура за користење на службените возила на УЈП
• Процедура за начинот и постапката на планирање, спроведување и реализација на јавните набавки во УЈП
• Годишен план за спречување и борба против корупција (2022, 2023)

Пријавување на непрофесионално однесување и неправилности сторени од вработени во УЈП на: info@ujp.gov.mk, со поднесување на пријава/претставка по пошта или директно до писарница на УЈП или пријавување на телефонската линија 198.