Во соработка со високообразовните институции, Управата за јавни приходи продолжува со имплементација на програмата за едукација и обезбедување на пракса за студенти од областа на даноците и даночното право.

Од 16 до 20 Ноември 2009, на иницијатива на Правниот факултет "Јустинијан Прима" Скопје, на 25 студенти од последипломските студии по финансово право и финансии им е овозможено да ја посетат Управата за јавни приходи и одблиску да се запознаат со одделните функции на УЈП, деловните процеси и начинот на работа на даночните службеници.

Во рамките на четиридневната програма, предавачите од Управата за јавни приходи детално ги запознаа студентите со:

• Даночниот систем во РМ и видови на даноци
• Утврдување и наплата на данок
• Концепт “Бруто Плата“
• Дирекција за големи даночни обврзници
• Даночниот Инспекторат во УЈП
• Откривање “Перење пари“ во процес на надворешна контрола
• Посебни даночни постапки за физички лица
• Модернизација на Даночната администрација во РМ
• Соработка на меѓународни организации и институции
• Стратегија за комуникација на УЈП
• Истражување на јавното мислење и мерење на задоволството на даночните обврзници од работењето на УЈП
• Мерки на учинок и бонус систем во УЈП
• Менаџерски извештаи